Эп çуккĕ, çук, пулам çуках...
Кулянмĕ шутсăр никамах.
Тен, йĕрĕ хурланса анне,
Пит хĕрхенсе айван хĕрне.
Эп çуккă, çук, пулам çуках...
Куççуль тăкатăп кăлăхах.
Вăл шанăç кӳмĕ чĕрене,
Сӳнтерĕ куçăм çутине.
Эп çуккă, çук, пулам çуках...
Сана кĕтетĕп пустуях.
Пăлхавлă чунăм çуннине
Пĕлеймĕн, савăн теприне.
Эп çуккă, çук, пулам çуках...
Ĕмĕтленетĕп-ха çапах.
Тен, чĕртен шанăç кăвайтне...
Вара эп килĕп тĕнчене.