Ан юрат нумай хĕре,
Чулланать кăвар чĕрӳ,
Тус-йышла шавах ĕçре
Эс ĕçле ялан хĕрӳ.
Пул ĕçре ялан малта,
Чыс-мухтав сана ялта!
Ан туслаш эс эрехпе,
Вăл тустарĕ пурнăçна.
Пул куллен-кун эртелпе,
Курăн кĕтнĕ савнăçна.
Тăнласам ваттисене,
Кул, питле кахалсене.
Юхать-юхать юхан шыв,
Шав юхать вăл малалла.
Иртсе каян яш çулсем
Таврăнаймĕç каялла.
Яш, юрат ĕçчен хĕре,
Пул малта хĕрӳ ĕçре.