Асаннен кăпăшка та çемçе аллине
Сĕртĕнсе ачашлассăм килет.
Пĕчĕк чух ун аркийĕ çинче сикнине
Каялла тавăрассăм килет.
Пурăнма вĕрентсе ыр сĕнӳ панине
Манас çук эп нихçан, асанне.
Вĕренни яланах çут маяк пулнине
Ăнлантарнă эсех, асанне.
Кăвакрах-шурăрах кăшт сайралнă çӳçне
Шухă çил те хăш чух сĕртĕнет.
Шырас çук эп тепре сан пекех хаклине,
Ырлăху сан пурне те çитет.