Çак çут тĕнчемĕр ик хĕвеллĕ:
пĕри куллен çиçет çӳлте,
тепри талăксерен шевлеллĕ
кашни пӳртре, кашни килте...
Тăван çĕршыв — хĕвел вăл пирĕн.
Ăшши, çути ĕçчен валли.
Хулан та ялăн, сăртăн, хирĕн
çӳрет çынсен хитре кулли.
Тăван çĕршывăма пăхаççĕ
планетри континентсем,
вăл уçнă çул çине тухаççĕ,
Çĕре хăюллăн çĕнетсе.
Тăван çĕршыв — телей çĕршывĕ,
чăн çамрăклăх çĕршывĕ — вăл.
Ялан пурнасчĕ ырă-сывă,
ялан хĕвел çуталтăр йăл!