Йывăç кутĕнче йывăç пĕтмен,
Выльăх кутĕнче выльăх пĕтмен.
Атте калани
Чăхă çăмарта туса кăтартрĕ,
Кушак çăвăрласа,
Ама йытă та çăвăрларĕ
Хăй йăх йышне хушса.
Сăрхури кун пăранларĕ сурăх:
Така, путек туса.
Çĕркаç ĕне те пăруларĕ -
Пăрушĕ амăшай.
Кĕсре тиха туса хăмларĕ
Кĕтсе ирхи куна.
Шуйттан сысни çур кун çурларĕ
Вунпилĕк çурăна.
Шуйттан сăмси — сысна сăмсиллĕ —
Атте калать мана —
Пур çумне пур — вăл пурнăç пилĕ
Пурăнакан çынна.
Сăрхури кунĕ, 1987.