Чечняра юн юхать,
Чечняра чун тухать.
Вĕлереççĕ пире,
Вĕлереççĕ пире.
Сыхлама Çĕр чысне
Кĕтĕм вăрçă вутне —
Йывăр-çке чĕрене,
Йывăр-çке чĕрене.
Канăç çук кун та каç,
Пуç йăтма юрамасть.
Лектереç çамкаран,
Лектереç çамкаран.
Мĕн чул çамрăк салтак
Шăтнăран тĕк пăртак
Хучĕç-çке пуçсене,
Хучĕç-çке пуçсене.
Эпĕ хам та вутра,
Чечняри тамăкра
Çунтăм икĕ хӳтчен,
Çунтăм икĕ хутчен.
Пултăм эп сахал мар,
Вилĕмпе юнашар,
Анчах юлтăм тăрса,
Анчах юлтăм тăрса.
01.02.1997.