Хĕлле. Чӳречесем хупланнă шур юрпа.
Шур кĕрт хывать сив çил-шур кашкăр картишне.
Асамçă Хĕл Мучи асамлă сăрăпа
Хăй ĕмĕтне çырать ман кантăкăм çине.
Ун çыруне пĕлесчĕ манăн вулама.
Мĕскер çинчен ĕмĕтленет-ши Хĕл Мучи?
Асамлă кайăксем те пальмăсем умма
Тухса, чĕп-чĕрĕ пек чупаççĕ катаччи.
Эй, Хĕл Мучи, ман евĕрех, кала,
Çитесчĕ тетĕн-им асамлă çĕрсене.
Эппин, илсем мана эс хăвпала,
Хĕле манса, çитер, атя, Хĕвеллĕ тĕнчене.