Хĕрĕх пĕр çула яхăн суккăр пулнă
Эпĕ çакă Атăл хĕрринче.
Манăн юрату хамранах кулнă
Куçăм умĕнче те хыçĕнче.
Эпĕ пур, асăрхаман, мăнтарăн,
Тен, мана пит асăрхас темен?
Туйăм çеç шала пытаннă тарăн,
Çил вĕрсен, ăшра пушар чĕртме.
Уçă çил вĕрме пуçларĕ ĕнтĕ,
Юр ӳксен те — хĕрӳрен хĕрӳ.
Йывăçсем çакаççĕ паслă чĕнтĕр,
Ăшăтать мана халь сан чĕрӳ.
Хĕрĕх пĕр çул урлă ал тăсатăп, —
Акă кĕтĕн манăн ытама.
Хуть ăçта пулсан та
Шантаратăп
Пурнăç тăрăх санпала утма.