Çакăн пек юрларĕ уйăп:
«Кĕркунне çитсессĕн пуйăп,
Пиçĕ хĕп-хĕрлĕ палан,
Хăналанăп унпалан.
Çупкăм-çупкăм сар пилеш,
Ан кӳрен, ан ӳпкелеш,
Çырлупа халь йăпанманшăн,
Тутлă çимĕç пулăн маншăн.
Юр çусассăн, хĕл ларсан,
Çырлусем пылпа тулсан.
Йĕплĕ-йĕплĕ катăркас,
Мĕншĕн çырлуна хурлас? —
Ун варри — тĕреклĕ тимĕр,
Анчах тулĕ — тутлă нимĕр.
Чăтлăхра та ман валли
Сахал мар шăлан çырли.
Çимĕç пит нумай, тем тĕрлĕ.
Пурте тутлă, пурте хĕрлĕ,
Ахаль мар ман пĕсехе
Тутлă çимĕç тĕсĕ пек».