Спорт
cap.ru сӑнӳкерчӗкӗ Авӑн уйӑхӗн 16-мӗшӗнче йӑлана кӗнӗ «Наци кросӗ» иртӗ. Шӑматкун спорта юратакансем старта тухӗҫ. Вӗсем 1-12 ҫухрӑм чупӗҫ. Спортсменсене Шупашкарта Мускав ҫыранӗ хӗрринче кӗтеҫҫӗ. «Наци кросне» хутшӑнас тесен А.Игнатьев ячӗллӗ Спорт хатӗрленӗвӗн центрӗн электронлӑ почтине заявка ямалла: csp101@mail.ru.Е авӑн уйӑхӗн 11-16-мӗшӗсенче Патшалӑх пулӑшӑвӗсен порталӗнче заявка хӑвармалла. Кун пек мелпе унччен заявка йышӑнман, ку - ҫӗнӗлӗх. Хыпар ҫӑлкуҫӗ:
|
Спорт
"Про Город" сайтӗнчи сӑн Паян Андриян Григорьевич Николаев ҫуралнӑранпа 94 ҫул ҫитнӗ. Ҫавна май велосипедпа ярӑнма кӑмӑллакансем йӑлана кӗнӗ старта тухнӑ: Ҫӗнӗ Шупашкартан Шуршӑла ҫитнӗ. Ку старт - юбилейлӑ. Акцие кӑҫалхипе 20-мӗш хут ирттернӗ. Палӑртмалла: велосипедҫӑсен старчӗ 2004 ҫулта йӑлана кӗнӗ. Паян акцие 25 спортменран кая мар хутшӑннӑ. Вӗсен йышӗнче 70 ҫулти Любовь Федотова та пулнӑ. Вӑл велосипедпа ярӑнассипе - республика чемпионки. Спортменка ҫак акцие вуннӑмӗш ҫул хутшӑннине пӗлтернӗ. Хыпар ҫӑлкуҫӗ:
|
Спорт
t.me/chuv_kray каналтан илнӗ сӑнӳкерчӗк Чӑваш Ен хӗрӗ Татьяна Федорова Кӑркӑстанра Самбо енӗпе иртнӗ тӗнче кубокне хутшӑннӑ. Унта вӑл Раҫҫейӗн пӗрлештернӗ комнадипе тухса кайнӑ. Ӑмӑртура пирӗн ентешӗмӗр ылтӑн медале тивӗҫнӗ. Вӑл 50 килограмлӑ виҫери хӗрарӑмсен хушшинче ҫӗнтернӗ. Татьяна — 22 ҫулта. Вӑл самбо енӗпе чӑваш шкулӗн воспитанници. Унӑн тренерӗ — Сергей Пегасов. Хыпар ҫӑлкуҫӗ:
|
Спорт
"Ҫыхӑнура" форумран илнӗ сӑнӳкерчӗк Чӑваш Енри паллӑ биатлонистка Татьяна Акимова спорта таврӑнасшӑн. 32 ҫулти икӗ ача амӑшӗ тата тепӗр сезона та пулин хутшӑнасшӑн. «Спорта таврӑнас кӑмӑл пысӑк. Вӑхӑт тупӑнсанах тренировкӑсем ирттеретӗп. Икӗ ачапа пушӑ вӑхӑт сахалтарах, ҫапах та тӑрӑшатӑп. Хӗлле ӑмӑртусене хутшӑнас килет», — каласа кӑтартнӑ спортсменка Чӑваш Енӗн наци телекуравне. Татьяна Акимова 1990 ҫулта Ҫӗнӗ Лапсарта (вӑл Шупашкар шутланать) ҫуралнӑ. 2016/2017 ҫулсенчи тӗнче кубокӗнче чи маттур хӗрарӑм-спорстменсен йышӗнче 16-мӗш йӗркене йышӑннӑ, 2017 ҫулта хутӑш эстафетӑра бронза медале ҫӗнсе илнӗ, 2018 ҫулта Олимпиадӑна хутшӑннӑ. Хыпар ҫӑлкуҫӗ:
|
Спорт
Чӑваш Енри Маунтинбайк центрӗ пекки ҫӗршывра те тек ҫук. Кун пирки республика Элтеперӗн Олег Николаевӑн халӑх тетелӗнчи страницинче пӗлтернӗ. Йӑлӑмра вара кайтсерфинг бази ӗҫлет. Унта кайтсерфинг енӗпе Раҫҫейӗн виҫӗ хут чемпионӗ Антон Минаев тренировкӑсем ирттерет иккен. «Матч ТВ» федераци каналӗн «Что по спорту?» программин ертӳҫисем Алекс Смольянинов тата Артем Чупин пирӗн тӑрӑхра анлӑ сарӑлнӑ спортӑн ҫуллахи енӗсемпе паллашнӑ, пляж волейболне вылянӑ, самокатпа тата гидрофойлпа ярӑннӑ, флайборд ҫине тӑнӑ. Хыпар ҫӑлкуҫӗ:
|
Спорт
"Контактри" сӑн Чӑваш Енри маунтинбайкерсем Миассе хулинче иртнӗ чемпионатран малти вырӑнсене илсе килнӗ. Ҫапла пӗлтерет велоспорт федерацийӗ. Евгений Евграфов арҫынсен хушшинче тупӑшса малти вырӑна йышӑннӑ. Роман Романов юниорсен йышӗнче чи лайӑххи пулнӑ. Элина Семенова 15-16 ҫулсенчи хӗрсемпе тупӑшса финиша чи малтан ҫитнӗ. Дмитрий Петров 13-14 ҫулсенчи арҫын ачасемпе ӑмӑртнӑ. Вӑл та пӗрремӗш вырӑн йышӑннӑ. Хыпар ҫӑлкуҫӗ:
|
Спорт
"Чӑваш Ен" ПТРК тунӑ видео скринӗ Забайкалье крайӗнчи Агинское поселокӗнче ухӑран перес енӗпе Раҫҫей чемпионачӗ иртнӗ. Олимп резервӗсен Шупашкарти шкулӗнче ӑсталӑхне туптакан Артур Гареев «Компаунд» дисциплинӑра тупӑшса малти вырӑна йышӑннӑ. Кунашкалли пирӗн ентешсен хушшинче 11 ҫул пулман. Ҫапла 11 ҫултан Шупашкара «ылтӑн» тавраннӑ. Спортсмен 20 ҫулта. Вӑл ЧР тава тивӗҫлӗ тренерӗ Максим Яриков патӗнче ӑсталӑхне туптать. Хыпар ҫӑлкуҫӗ:
|
Спорт
Ҫӗнтерӳҫӗсем. Етӗрне тӑрӑхӗ тунӑ сӑн Кӗҫнерникун, ҫӗртмен 29-мӗшӗнче, Етӗрне хулинчи пуҫламӑш пӗтӗмӗшле пӗлӳ паракан шкулта шахмат енӗпе ӑмӑрту иртнӗ, унта Етӗрне округӗнчисем хӑйсен ӑсне кӑтартса тупӑшнӑ. Шахмат енӗпе муниципаллӑ округсенче ӑмӑртусем час-часах иртеҫҫӗ. Ку хутӗнче ҫак спорт тӗсӗпе Етӗрне тӑрӑхӗнче тупӑшнӑ. Етӗрне муниципаллӑ округӗн сайчӗ хыпарланӑ тӑрӑх, арҫынсем хушшинче яланхи пекех Вячеслав Петров пӗрремӗш вырӑна йышӑннӑ. Иккӗмӗш Геннадий Иванов пулнӑ, виҫҫӗмӗш — Александр Альгешкин. Хӗрарӑмсем хушшинче малти вырӑна Диана Пушкарева йышӑннӑ, Иккӗмӗш Анастасия Игнатьева пулнӑ, виҫҫӗмӗш вырӑн вара Юлия Еремкинӑна лекнӗ. Ачасем те ӑмӑртӑва хутшӑннӑ. Арҫын ачасене илсен Савелий Антонова ҫитекенни пулман, хӗрачасене илсен — Валерия Ярабаевӑна. Ҫӗнтерӳҫӗсене хисеп хучӗсем панӑ, ҫавӑн пекех ятарлӑ кӳлепесемпе те чысланӑ. Хыпар ҫӑлкуҫӗ:
|
Спорт
Иркутск облаҫӗнчи чӑвашсен «Юлташ» наципе культура автономийӗн хастарӗсем вырӑнти ачасене чушкӑлла выляма вӗрентеҫҫӗ. Общество организацийӗн ертӳҫи Вероника Тимофеева ӗнентернӗ тӑрӑх, Иркутскра пурӑнакан шӑпӑрлана чӑвашсен вӑййи питӗ килӗшнӗ. Телеграмри «Пуринчен малтан. Ҫывӑрса юлмасан» каналтан пӗлтернӗ тӑрӑх, вырӑнти хастарсем ку вӑййа ачасем хушшинче сарасшӑн. Ҫывӑх вӑхӑтра ку вӑййа тепӗр урамра выляттарма палӑртса хунӑ. Хыпар ҫӑлкуҫӗ:
|
Спорт
afisha.cheb.ru сайтра вырнаҫтарнӑ сӑнӳкерчӗк Чӑваш Ен Республика кунне уявлама хатӗрленет. Ҫӗртме уйӑхӗн 23-мӗшӗнче, ав, Ҫӗнӗ Шупашкарта «Чӑваш паттӑрӗ» ҫар искусствисен фестивалӗ иртӗ. Ӑмӑрту эпир маларах асӑннӑ хулари Ҫӗнтерӳ лапамӗнче 18 сехетре пуҫланӗ. Фестивальте куракансем валли интересли самай пулассине шанма пулать. Чӑваш пӑхаттирӗсем спортӑн тӗрлӗ мелӗпе вӑй виҫӗҫ: кӗрешӳре, ирӗклӗ мелпе кӗрешессипе, панкратион, ҫарта алӑпа кӗрешес, ушу, тхэквондо, WKC каратэвӗ енӗпе. Кӗрешӗве чӑваш спортсменӗсем кӑна мар, ытти ҫӗртен килсе ҫитнӗ вӑйпиттисем те хутшӑнӗҫ. Хыпар ҫӑлкуҫӗ:
|
Шупашкарта ҫывӑх вӑхӑтра (19.03.2024 03:00) тӗтреллӗ ҫанталӑк, атмосфера пусӑмӗ 757 - 759 мм, -1 - 1 градус сивӗ пулӗ, ҫил 2-4 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.
| Корнилов Геннадий Емельянович, чӑваш чӗлхеҫи ҫуралнӑ. | ||
| Шиманский Михаил Петрович, Чӑваш патшалӑх оперӑпа балет театрӗн директорӗ ҫуралнӑ. | ||
| Деверинская Александра Тимофеевна, чӑваш спорт ӑсти ҫуралнӑ. | ||
Пулӑм хуш... |