Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Пулӑ пуҫӗнчен ҫӗрет.
[ваттисен сӑмахӗ]
 

Хыпарсем: прокуратура

Республикӑра
Прокуратура архивӗнчи сӑн
Прокуратура архивӗнчи сӑн

Ӗнер, чӳк уйӑхӗн 24-мӗшӗнче, Муркаш муниципаллӑ округӗнче М-7 ҫул ҫинче машина кювета чӑмнӑ. Транспортра ачасем те пулнӑ. Телее, никам та вӑйлах суранланман.

Руль умӗнче 44 ҫулти хӗрарӑм ларнӑ. Вӑл юрлӑ ҫул ҫинче руле итлеттереймесӗр кювета чӑмнӑ. Водителе, пассажирсене, ҫав шутра ачасене те, пульницӑна тӗрӗслеме илсе кайнӑ.

Халӗ ӗҫ-пуҫа уҫӑмлатаҫҫӗ. Ҫакна Муркаш районӗн прокуратури сӑнаса тӑрӗ.

Хыпар ҫӑлкуҫӗ: https://t.me/chuv_prok
 

Пӑтӑрмахсем
Прокуратура архивӗнчи сӑн
Прокуратура архивӗнчи сӑн

Ӗнер, чӳк уйӑхӗн 24-мӗшӗнче, Муркаш муниципалитет округӗнчи Кашмаш ялӗнче пӗр ҫуртра амӑшӗпе хӗрӗ вилнӗ. Вӗсем - 73 ҫулта тата 49-та.

Малтанлӑха пӗлтернӗ тӑрӑх, амӑшӗпе хӗрӗ газ котелӗнчен тухнӑ сӗрӗмпе наркӑмӑшланнӑ. Специплистсем тӗтӗм тухмалли ҫул йӗркеллӗ ӗҫлеменнине палӑртнӑ. Котел механизмне улӑштарни те паллӑ: авари чухне сӳнмелли датчик ӗҫлемен.

Икӗ хӗрарӑма ятарласа вӗлернӗ йӗр ҫук. Халӗ ӗҫ-пуҫа следовательсем тата прокуратура ӗҫченӗсем тишкереҫҫӗ.

Хыпар ҫӑлкуҫӗ: https://t.me/chuv_prok
 

Политика
Прокуратура архивӗнчи сӑн
Прокуратура архивӗнчи сӑн

Шупашкарта прокурор должноҫне ҫӗнӗ ҫынна ҫирӗплетнӗ. Вӑл - Сергей Фирсов.

Сергей Александрович унччен Канашри районсен хушшинчи прокурор пулнӑ. Хӑй Шупашкарта 1978 ҫулта ҫуралнӑ, И.Н.Ульянов ячӗллӗ ЧПУн юридици факультетӗнче вӗреннӗ. Диплом илсен прокуратура тытӑмӗнче следовательте ӗҫлеме пуҫланӑ. Кайран тӗрлӗ районта прокурор ҫумӗ, прокурор пулнӑ. Канашри районсен хушшинчи прокурорӗнче вӑл 2021 ҫулта ӗҫлеме тытӑннӑ.

Палӑртмалла: унччен Шупашкар прокурорӗ Александр Шабалкин пулнӑ. Вӑл кӑҫал ҫӗртме уйӑхӗнче йывӑр чирленӗ хыҫҫӑн пурнӑҫран уйрӑлнӑ.

Хыпар ҫӑлкуҫӗ: https://t.me/chuv_prok
 

Ҫул-йӗр
Прокуратура архивӗнчи сӑн
Прокуратура архивӗнчи сӑн

Елчӗк муниципаллӑ округӗнче Кӳлпуҫ ялӗнче унччен хытӑ сийлӗ ҫул пулман. Йӗпе-сапара унта пылчӑк ҫӑрӑлнӑ кӑна.

Вырӑнти влаҫ ҫула прокуратура тавӑҫ тӑратсан кӑна йӗркене кӗртнӗ. Ӗҫне вара кирлӗ хутсене приставсене парсан кӑна тунӑ - щебень сарса панӑ.

Халӗ ял ҫыннисем пылчӑк ӑшӗнче ҫӑрӑлмаҫҫӗ.

 

Республикӑра
 t.me/chuv_prok сайтри сӑн
t.me/chuv_prok сайтри сӑн

Паян вӑйлӑ ҫиле пула тӗрлӗ тӑрӑхра шар курнӑ. Шупашкарти тата Патӑрьел тӑрӑхӗнчи пӑтӑрмахсем пирки пӗлтернӗччӗ ӗнтӗ.

Муркаш муниципаллӑ округӗнчи Шурчара шкул тӑррин пӗр пайӗ хӑйпӑннӑ. Сӗнтӗрвӑрринче Ярославль урамӗнчи нумай хваттерлӗ ҫурт тӑрринчен темиҫе шифер вӗҫсе ӳкнӗ. Прокуратура вырӑнти влаҫа юсав ӗҫӗсене ҫийӗнчех тума ыйтнӑ.

Палӑртмалла: хӑш-пӗр тӑрӑхра вӑйлӑ ҫиле пула электричество сӳннӗ. Паян каҫ тӗлне республикӑри 12 пине яхӑн ҫын ҫутӑсӑр юлнӑ.

 

Политика
news.myseldon.com сайтри сӑн
news.myseldon.com сайтри сӑн

РФ Президенчӗ Владимир Путин Чӑваш Енӗн прокурорӗн должноҫне Эдуард Гиматова сӗннӗ. Паян Федераци Канашӗнче ҫак кандидатурӑна ырланӑ.

Эдуард Гиматов - Курган облаҫӗнчен. Вӑл 2002 ҫулта Тюменьти патшалӑх унивреситетне ӑнӑҫлӑ пӗтернӗ. 2003 ҫулхи ҫу уйӑхӗнченпе прокуратура органӗсенче ӗҫлет. Малтан прокурор пулӑшуҫи пулнӑ, кайран – Тюмень облаҫӗн тата Тюмень хулин прокурорӗ. Ҫавӑн пекех Тамбов облаҫӗн прокурорӗн ҫумӗнче ӗҫленӗ. Вӑл – юстицин аслӑ канашҫи. Ӗҫре ҫитӗнӳсем тунӑшӑн ӑна пӗрре мар хавхалантарнӑ, ҫав шутра – Раҫҫейӗн тӗп прокурорӗ те.

Аса илетер: унччен Чӑваш Ен прокурорӗ Андрей Фирсов пулнӑ. Вӑл кӑҫалхи утӑ уйӑхӗн 1-мӗшӗнче Атӑл урлӑ ишсе каҫнӑ чухне вилнӗ.

 

Республикӑра
novokuznetsk.su сайтри сӑн
novokuznetsk.su сайтри сӑн

Елчӗк районӗнчи тӳре-шара сусӑра найм мелӗпе тара илсе пурӑннӑ пӳлӗмӗнчен кӑларса янӑ. Лешӗ сӑлтавсене пула унта нумай вӑхӑт пурӑнман, хӑйне кӑларса янине те пӗлмен. Киле таврӑннӑ та – унта урӑх ҫын.

Ҫак ӗҫе вырӑнти администраци тунӑ. Кӑларса ярасси пирки сусӑра пӗлтермен, найм килӗшӗвне те пӑрахӑҫламан. Пӳлӗмри планировкӑна урӑхлатнӑ: юнашаррипе пӗрлештернӗ те тепӗр сусӑра пурӑнма вырнаҫтарнӑ.

Прокуратура Елчӗк районӗн администрацийӗн пуҫлӑхӗ тӗлӗшпе представлени ҫырнӑ, сусӑра урӑх хӑтлӑ пӳлӗм уйӑрса пама ыйтнӑ. Суд ҫакна тивӗҫтернӗ.

 

Пӑтӑрмахсем
Прокуратура тунӑ сӑн
Прокуратура тунӑ сӑн

Кӗҫӗр Улатӑрта пысӑк пушар сӳнтернӗ. Унта «Гулливер» ятлӑ суту-илӳ центрӗ ҫунса кайнӑ.

ЧР прокуратури пӗлтернӗ тӑрӑх, пушар 1,5 пин тӑваткал метр ҫинче алхаснӑ. Ҫулӑм ҫурт тӑррине, иккӗмӗш хутри отделкӑна тӗп тунӑ. Пушара 3 сехет сӳнтернӗ. Халӗ ҫулӑм мӗнрен тухнине уҫӑмлатаҫҫӗ. Версисенчен пӗри – пралукран тухни. Вырӑна Улатӑрти районсен хушшинчи прокурорӗ Евгений Серебряков ҫитнӗ.

«На связи» портал ҫапла ҫырать: «Пирӗн даннӑйсем тӑрӑх, суту-илӳ ҫурчӗ ЧР Патшалӑх Канашӗн депутачӗн Евгений Талановӑн шутланать».

Хыпар ҫӑлкуҫӗ: https://t.me/chuv_prok/2419
 

Республикӑра
nvkz-tub.ru сайтри сӑн
nvkz-tub.ru сайтри сӑн

Ҫӗмӗрлере пурӑнакан икӗ арҫын туберкулезпа чирленипе шутра тӑнӑ. Вӗсен чирӗн уҫӑ форми пулнине палӑртнӑ. Анчах иккӗшӗ те медтӗрӗслев витӗр тухма, сипленме ҫӳремен. Ҫапла вӗсем ыттисен сывлӑхӗ умӗнче те хӑрушлӑх кӑларса тӑратнӑ.

Саккунпа килӗшӳллӗн, туберкулезӑн ерекен формипе чирлекенсене, сипленмесен, ятарлӑ пульницӑна вӑйпах сипленме яма пултараҫҫӗ. Ҫавна май прокуратура вӗсене пульницӑна вырттарма ыйтса суда тавӑҫ тӑратнӑ. Суд ӑна тивӗҫтренӗ.

 

Пӑтӑрмахсем
jur24pro.ru сайтри сӑн
jur24pro.ru сайтри сӑн

Елчӗк районӗнче 88 ҫулти арҫын 91 ҫулти хӗрарӑма хӗнесе пӗтернӗ. Район прокуратури ун тӗлӗшпе пуҫарнӑ пуҫиле ӗҫе суда ярса панӑ.

Следстви палӑртнӑ тӑрӑх, авӑн уйӑхӗн 12-мӗшӗнче ҫак арҫын ӳсӗр пулнӑ, кӳрше каҫнӑ. 91 ҫулти хӗрарӑм унпа эрех ӗҫме килӗшмен-мӗн. Кӳрши ӑна хӗнеме пуҫланӑ: кӗлеткинчен тапнӑ, ҫапнӑ. Ку кӑна мар - мӑйӗнчен пӑвма пуҫланӑ, вӗлерессипе хӑратнӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 74
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 21:00) уяр ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хӑнана ӑсатма никам та тухмасть
хуҫин ҫитӗннӗ ачисем
хуҫа хӑй
ӑсатма тухни — ҫылӑх, юрамасть
хуҫа тарҫи
кил-йышри арҫын
хуҫа арӑмӗ
хуть те кам тухсан та