Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Ир тӑнӑ кайӑк выҫӑ вилмен тет.
[ваттисен сӑмахӗ]
 

Хыпарсем: канашлусем

Экономика
7ya.ru сӑнӳкерчӗкӗ
7ya.ru сӑнӳкерчӗкӗ

Пирӗн республикӑра пурӑнакансем юлашки вӑхӑтра хӑш-пӗр апат-ҫимӗҫ хак капашсӑр ӳссе кайнине сисрӗҫех ӗнтӗ. Сӑмахран, сахӑр песукӗ икӗ хут хакланнӑ, хура тул кӗрпи — 1,5 хут. Кӗрпе-макарон, сыр, сысна ашӗ, ҫӑкӑр, панулми хакланнӑ.

Потребитель рынокӗнчи лару-тӑрӑва паян Чӑваш Ен Правительствин ларӑвӗнче тишкернӗ. Республикӑн экономика аталанӑвӗн тата пурлӑх хутшӑнӑвӗсен министрӗ Дмитрий Краснов пӗлтернӗ тӑрӑх, инфляцин кӑҫалхи виҫи 4,5 процента ҫитнӗ. Ку вӑл Раҫҫейри вӑтам шайран пысӑкрах. Апат-ҫимӗҫ хакӗ 6,6 процент пысӑкланнӑ, апат-ҫимӗҫ мар таварсен — 4,8 процент.

 

Чӑвашлӑх

Ултӑ метр тӑршшӗ чӑваш сурпанӗ районпа хула тӑрӑх ӑсанӗ. Кун пирки республика Элтеперӗ Олег Николаев паян Правительство ҫуртӗнче ирттернӗ канашлура каланӑ.

Аса илтерер: иртнӗ эрнере, чӳк уйӑхӗн 26-мӗшӗнче, пирӗн республикӑра ҫӗнӗ уява, Чӑваш тӗррин кунне, палӑртрӗҫ. Чӑваш патшалӑх оперӑпа балет театрӗнче ирттерӗ мероприятире ултӑ метрлӑ сурпан кӑтартрӗҫ. Унӑн пайӗсене районсемпе хуласенчи ӑстасем хатӗрлерӗҫ те «Паха тӗрӗ» хапрӑкра пӗрлештерчӗҫ. Варрине «Сурпан Пӗрле» тесе тӗрлерӗҫ.

Пӗрлехи ӗҫе районсемпе хуласенче кӑтартӗҫ. Ҫакӑн пек сӗннӗ республика Элтеперӗ Олег Николаев.

 

Хулара
gcheb.cap.ru сӑнӳкерчӗкӗ
gcheb.cap.ru сӑнӳкерчӗкӗ

Ҫӗнӗ ҫул хыҫҫӑн Шупашкарти общество транспортӗнче хаксене ӳстерме пултараҫҫӗ. Ку ыйтӑва паян хула администрацийӗнче иртнӗ канашлура сӳтсе явнӑ.

Хаксене юлашки хут пӗлтӗрхи авӑн уйӑхн 1-мӗшӗнче хӑпартнӑ. Аллӑн тӳлемесен троллейбусри хак халӗ 20 тенкӗ тӑрать, автобусри — 21 тенкӗ. Аллӑн укҫа кӑларса тыттарсан хак 22 тата 25 тенке ларать.

Троллейбуссем те, автобуссем те тӑкак тӳсеҫҫӗ-мӗн. Шупашкарти троллейбус управленийӗн пуҫлӑхӗ Андрей Васильев троллейбус хакне 20 тенкӗрен 22 тенке (аллӑн укҫа тӳлемесен) тата 22 тенкӗрен 26 тенке (аллӑн укҫа тыттарсан) ҫитерме сӗннӗ.

 

Сывлӑх
special.spravedlivo.ru сӑнӳкерчӗкӗ
special.spravedlivo.ru сӑнӳкерчӗкӗ

Паян ирпе республикӑн Правительство пайташӗсемпе ирттернӗ канашлӑва Чӑваш Ен Элтеперӗ Олег Николаев инҫет ҫыхӑну мелӗпе йӗркеленӗ. Вӑл шӑнса пӑсӑлнӑ иккен. Тӳре-шарапа республика ертӳҫи килтен ҫыхӑннӑ.

«Шел пулин те, кӑштах чирлерӗм. Хальлӗхе сипленетӗп, ыранах сывалса командировкӑна тухса кайма хатӗрленмелле», – пӗлтернӗ вӑл планеркӑна пухӑннисене.

Чӑваш Енӗн Элтеперӗн Администрацийӗн пресс-службинче пӗлтернӗ тӑрӑх, ҫак эрнере Олег Николаев Мускава ӗҫпе кайма, унта тӗлпулусем ирттерме палӑртса хунӑ.

 

Сывлӑх

Паян Раҫҫей Президенчӗ Владимир Путин канашлу ирттернӗ. Унта кӑшӑлвирус лару-тӑрӑвне тишкернӗ. Ҫӗршыв ертӳҫине ковид енӗпе Чӑваш Енри лару-тӑру пирки те каласа кӑтартнӑ. Пирӗн республикӑра кӑшӑлвируспа чирлисем валли хатӗрленӗ койкӑсенчен 95 проценчӗ чирлисемпе тулса ларнӑ.

Уйрӑмах йывӑр лару-тӑру ҫӗршыври 10 регионта иккен. Ҫавсен шутӗнче Чӑваш Ен те пур.

«Койкӑсене чирлисем йышӑнакан кӑтарту 46 регионта ҫӗршыври вӑтам цифрӑран пысӑкрах. Уйрӑмах йывӑр лару-тӑру 10 регионта. Виҫӗ регионта койкӑсен 95 проценчӗ тулнӑ. Ку вӑл Чӑваш Республики, Орлов облаҫ тата Севастополь», — пӗлтернӗ Путина Раҫсей Правительствин ертӳҫин ҫумӗ Татьяна Голикова.

Хыпар ҫӑлкуҫӗ: https://pg21.ru/news/68055
 

Персона

Республикӑн Правительство ҫуртӗнче тунтикунсерен иртекен палнеркӑна Чӑваш Ен Элтеперӗ Олег Николаев СССР халӑх артисткине Вера Кузьминана черетлӗ ҫуралнӑ кунӗпе саламланинчен пуҫланӑ.

Чӑваш сценин хӑватлӑ ӑсти канашлӑва хӑй хутшӑнман-ха. Апла пулин те республика ертӳҫи тӑван тӑрӑхӑмӑрӑн мухтавлӑ ҫыннине ӑшӑ кӑмӑлпа тата пысӑк хурса хакланине палӑртса хӑварнӑ. Олег Николаев Вера Кузьмина пирки «ӗҫченлӗх тӗслӗхӗ» тесе каланӑ.

Вера Кузьмина – СССР халӑх артистки, К.В. Иванов ячӗллӗ Чӑваш патшалӑх премийӗн лауреачӗ, «Ылтӑн маска» наци премийӗн лауреачӗ, Чӑваш Республикин тава тивӗҫлӗ ӗҫченӗ.

Вера Кузьминична паян 97 ҫул тултарнӑ. Вӑл халӗ те сцена ҫине тухса куракана хӑйӗн пултарулӑхӗпе савӑнтарать.

 

Культура
chv.addnt.ru сӑнӳкерчӗкӗ
chv.addnt.ru сӑнӳкерчӗкӗ

Чӳк уйӑхӗн 4-мӗшӗнче — Халӑх пӗрлӗхӗн кунӗнче — пирӗн республикӑра Чӑваш Енри халӑхсен фестивальне ирттерме палӑртса хунӑ. Анчах кӑшӑлвируспа ҫыхӑннӑ лару-тӑру кӑткӑссине шута илсе ӑна йӗркелемӗҫ. Ҫакӑн пирки паян Правительство ҫуртӗнче иртнӗ канашлура сӑмах хускатнӑ.

Республикӑн культура, национальноҫсен ӗҫӗсен тата архив ӗҫӗн министрӗн тивӗҫне пурнӑҫлакан Светлана Каликова фестивале ирттермелли вырӑна палӑртассипе ҫине тӑнине пӗлтернӗ-ха. Анчах Чӑваш Ен Элтеперӗ Олег Николаев эпидемиологи лару-тӑрӑвӗ ҫинчен аса илтернӗ май мероприятие каярах вӑхӑта куҫарма сӗннӗ. Сӑмахран, Чӑваш Республикин Конституцине йышӑннӑ кун — чӳк уйӑхӗн 30-мӗшӗнче — йӗркелеме пулать. Е Раҫҫей Конституцийӗн кунӗнче.

 

Экономика

Паян Чӑваш Республикин Аслӑ экономика канашӗн черетлӗ ларӑвӗ иртнӗ. Унта Улатӑр хулинче пурнӑҫламалли ыйтусене сӳтсе явнӑ. 2020-2025-мӗш ҫулсенче Чӑваш Республикин социаллӑ пурнӑҫӗпе экономикине Комплекслӑ аталантармалли программине кӗртнӗ мероприятисене пӑхса тухнӑ.

Улатӑрти завод чукун ҫул вакунӗсем валли продукци туса илессипе ҫӗршывра малта пыракан предприятисенчен пӗри шутланать. Унта вакунсене пысӑк хӑвӑртлӑхпа илсе ҫӳреме май паракан урапасем туса кӑларма палӑртаҫҫӗ.

«Тӗслӗх продукци туса кӑлартӑмӑр, ӑна тӗрӗслеве ӑсатрӑмӑр. Тепӗр ҫул валли те саккассем пур. Пӗтӗмпе 1200 урапа тума йышӑннӑ», – тенӗ савутӑн генеральнӑй директорӗ Сергей Калинин.

 

Республикӑра

Паян Чӑваш Ен Правительство ҫуртӗнче ял-хулана хӑтлӑх кӗртес ыйтусене сӳтсе явма пуҫтарӑннӑ. «Формирование комфортной городской среды» (чӑв. Хуласене хӑтлӑх кӗртесси) регионти программӑна пурнӑҫлама 366,0 миллион тенкӗ уйӑрнӑ. Пурнӑҫлама палӑртнине пилӗк 5 картишӗнчен хальлӗхе 3-шӗнче ӗҫсене вӗҫленӗ, халӑх ҫӳрекен 35 вырӑнтан — 14-шӗнче.

Республикӑн строительство, архитектура тата ҫурт-йӗрпе коммуналлӑ хуҫалӑх министрӗ Александр Героев каланӑ тӑрӑх, Йӗпреҫ районӗнче планпа пӑхнин 30 процентне ҫеҫ пурнӑҫланӑ, Ҫӗмӗрлере — 25 процентне, республикӑпа илсен — 82 процентне.

Республика Элтеперӗ Олег Николаев подрядчиксен ӗҫне тӗрӗслесе тӑманшӑн муниципалитетсен пуҫлӑхӗсене ӳпкелесе хытах каланӑ.

 

Ҫул-йӗр

Ӗнер, юпа уйӑхӗн 6-мӗшӗнче, Чӑваш Ен Правительствинче «Мускав — Чулхула — Хусан» автоҫула тӑвас ыйтӑва сӳтсе явнӑ.

«М-12» ҫул пирӗн республикӑри Ҫӗмӗрле, Вӑрнар, Йӗпреҫ, Комсомольски, Канаш, Тӑвай районӗсем урлӑ иртмелле. Пирӗн регионта унӑн тӑршшӗ 98 ҫухрӑмпа танлашӗ. Ҫула 2024 ҫулхи ҫур-кунне туса пӗтерме ӗмӗтленеҫҫӗ.

Ҫул-йӗр тӑвас ыйтупа яваплисем ӗҫе кӳлӗннӗ ӗнтӗ. Ятарлӑ дирекци йӗркеленӗ. Халӗ территорие планлас енӗпе кирлӗ хутсене хатӗрлеҫҫӗ.

Машинӑсем пысӑк хӑвӑртлӑхпа ҫӳремеллискер «Европа — Хӗвеланӑҫ Китай» ҫулӑн пӗр пайӗ пулӗ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 41
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуҫа хӑй
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа тарҫи
хуҫа арӑмӗ
хуть те кам тухсан та
хуҫин ҫитӗннӗ ачисем
кил-йышри арҫын