::Эпир чӑваш йӑхӗнчен (Пайтул)

Хитре чăваш ятсем:

Эх, хитре-çке чăваш ячĕсем: САВАНТЕЙ, САВАÇ, САВНЕПИ, САЙРУНА, САРИНЕ, САРХАН, САХВУН, СĂРПИК, СВЕРККЕ, СЕНЕСЛУ, СЕНТИЛЕТ, СЕНТИМĔР, СЕНТТИ, СЕРКУÇ, СЕРПИНЕ, СЕРТЕПИ, СЕТНЕР, СИЛЕРПИ, СИЛПИ, СИЛПИК, СИЛТЕЛЕТ, СИНЕРПИ, СИТЕХМЕТ, СИТТИ, СӲНЕРПИ.

Хура курак ялан хура, —
Шуратса пӗтерес ҫук.
Тӑшман тени ялан кӑра, —
Хӑраса тарассӑм ҫук.

Хӑраса пурӑнар мар, —
Эпир хамӑр ҫӗр ҫинче...
Пуҫ усса пурӑнар мар, —
Эпир чӑваш йӑхӗнчен.

Урхамаха йӗнерлер те
Тӑшмана хирӗҫ каяр.
Ҫут хӗҫе ҫӳле ҫӗклер те
Тӑшмана йӑлт тӗп тӑвар.

Ӑнлантаркӑч

1937 ҫулта Ишек ялӗнче 90 ҫулхи Пархиле Федоров старикрен П.П. Юркин тӗпчевҫӗ ҫырса илнӗ. П.П.Юркин 1941 ҫулта репрессине лекнӗ, тӗрмере, ссылкӑра пулнӑ. 1956 ҫулта ссылкӑран таврӑнсан Литература музейне йӗркелес ӗҫе ертсе пынӑ, унӑн заведующийӗ пулнӑ.
Ку сӑвӑ пӗрремӗш хут пичетленет.

Ҫавӑн пекех

Пайтулӑн ытти юрри-сӑввисене вулӑр.