::Пуҫ янисен юрри (Митта Ваҫлейӗ)

Хитре чăваш ятсем:

Эх, хитре-çке чăваш ячĕсем: САВАНТЕЙ, САВАÇ, САВНЕПИ, САЙРУНА, САРИНЕ, САРХАН, САХВУН, СĂРПИК, СВЕРККЕ, СЕНЕСЛУ, СЕНТИЛЕТ, СЕНТИМĔР, СЕНТТИ, СЕРКУÇ, СЕРПИНЕ, СЕРТЕПИ, СЕТНЕР, СИЛЕРПИ, СИЛПИ, СИЛПИК, СИЛТЕЛЕТ, СИНЕРПИ, СИТЕХМЕТ, СИТТИ, СӲНЕРПИ.

Ҫӑлтӑр витӗр ҫул курӑнать,
Куҫҫуль витӗр кун курӑнать...

Ҫунатӑм, юлатӑн. Ан макӑр.
Салтак пек маттур уйрӑлар.
Ман ҫул — ҫӑлтӑр витӗр — тап-такӑр,
Ман кун — куҫҫуль витӗр — уяр.

Пире ҫурҫӗр ҫилӗ ыталӗ,
Ачашлӗ кӑра шартлама.
Ҫуталӗ жандармӑн медалӗ,
Вӑл памӗ ҫулран аташма.

Спасибо! Савса ывӑлларӗ
Мана Сармантей самани.
Юрлар-и, кулса уйрӑлар-и?
Тен, ӗмӗрлӗхех... чун савни!..

Митта Ваҫлейӗ