::Ма йӗретӗн, Муза

Хитре чăваш ятсем:

Эх, хитре-çке чăваш ячĕсем: САВАНТЕЙ, САВАÇ, САВНЕПИ, САЙРУНА, САРИНЕ, САРХАН, САХВУН, СĂРПИК, СВЕРККЕ, СЕНЕСЛУ, СЕНТИЛЕТ, СЕНТИМĔР, СЕНТТИ, СЕРКУÇ, СЕРПИНЕ, СЕРТЕПИ, СЕТНЕР, СИЛЕРПИ, СИЛПИ, СИЛПИК, СИЛТЕЛЕТ, СИНЕРПИ, СИТЕХМЕТ, СИТТИ, СӲНЕРПИ.

Ма йӗретӗн, Муза?
Ма куҫна шӑлан?
Чӗнменрен-и, тусӑм,
Темӗн тунсӑхлан?

«Вӑрман тӑрри тикӗс», —
Тенӗ чӑваш ҫынӗ.
Ман кун-ҫулӑм тирӗс,
Тикӗс пек пулин те.

Хӑшпӗр чухне вӑрттӑн
Сивӗсем ҫитеҫҫӗ.
Ун чух хӗлӗхсем те
Пӑрпа витӗнеҫҫӗ.

Ак часах ҫӗнтерӗ
Ҫут хӗвел хӑвачӗ.
Хӗлӗхсем те юрӑ
Ҫӗнӗрен шӑратӗҫ.

1954

Ҫавӑн пекех пӑхӑр

Волгин Василий сӑввисем