::Лантӑш - Александр Васильев

Хитре чăваш ятсем:

Эх, хитре-çке чăваш ячĕсем: САВАНТЕЙ, САВАÇ, САВНЕПИ, САЙРУНА, САРИНЕ, САРХАН, САХВУН, СĂРПИК, СВЕРККЕ, СЕНЕСЛУ, СЕНТИЛЕТ, СЕНТИМĔР, СЕНТТИ, СЕРКУÇ, СЕРПИНЕ, СЕРТЕПИ, СЕТНЕР, СИЛЕРПИ, СИЛПИ, СИЛПИК, СИЛТЕЛЕТ, СИНЕРПИ, СИТЕХМЕТ, СИТТИ, СӲНЕРПИ.

Хӗр тутри пек шурӑ тутӑр
Ҫыхрӗ лантӑш ирхине
Ҫук, никам та чӑтаймасӑр
Пӑхаймарӗ-иҫ ун ҫине

Ландыш, ландыш
Шурӑ тутӑрлӑ пике
Мӗншӗн эсӗ
Ас илтертӗн савнине?

Ӑшӑ ҫил килсе хупларӗ
Сивӗ симӗс ҫулҫине
Лӑпкӑ ҫил килсе хупларӗ
Шурӑ-шурӑ ҫеҫкине

Ландыш, ландыш
Шурӑ тутӑрлӑ пике
Мӗншӗн эсӗ
Ас илтертӗн савнине?

Ҫук, ӑна эпӗ татмарӑм
Кама парӑп-ши тесе
Урӑх каччӑ таттӑр терӗм
Парнелетӗр савнине

Ландыш, ландыш
Шурӑ тутӑрлӑ пике
Мӗншӗн эсӗ
Ас илтертӗн савнине?