Тус-юлташпа пӗрле чухне
Мӗнле аван чун-чӗрене.
Ҫунат ҫумне ҫунат хушар,
Хавхаланса кал-кал утар.

.....Мӗнле аван Тукташ пурри,
.....Кӗрекере янрать юрри.

Мӗн чуль илем тавралӑхра —
Ытарайми чӑвашлӑхра.
Эпир юлхав ҫынсем пулман,
Атте-анне ятне яман.

.....Мӗнле аван Тукташ пурри,
.....Кӗрекере янрать юрри.

Асаттесен пиллӗхӗпе,
Хӗру чӗремӗр хушнипе
Ҫут ҫӑлтӑр пек ҫунса тӑрар —
Тӑванлӑха упрар — сыхлар!

.....Мӗнле аван Тукташ пурри,
.....Кӗрекере янрать юрри.