Аслан Степан Степанович (Степанов), — чӑваш ҫыравҫи. 1917 ҫулхи чӳкӗн 18-мӗшӗнче Ҫӗрпӳ уесӗнчи (халӗ Чӑваш Енӗн Канаш районӗ) Тури Сурӑм ялӗнче ҫуралнӑ. 1980 ҫулхи раштавӑн 25 ҫав ялтах вилнӗ.

1956 ҫултанпа СССРӑн ҪП членӗ шутланать.

Кун-ҫулӗ

Шӑхасанти тӗслӗх кӑтартакан колхоз ҫамрӑкӗсен шкулӗнче вӗреннӗ. Канаш районӗн хаҫачӗнче яваплӑ секретарь пулса ӗҫленӗ. Тӑван Ҫӗршывӑн Аслӑ вӑрҫине хутшӑннӑ (1941-1942).

Ӗҫӗсем

Степан Асланӑн пурӗ 18 кӗнеке пичӗтленсе тухнӑ.

Кӗнекисем:

• «Ахрат» (трилоги, 1957);
• «Алла-аллӑн» (1958);
• «Хӑват» (1961, 1987);
• «Сехмет» (1967);
• тата ыттисем.

Ҫавӑн пекех пӑхӑр

• Степан Аслан ячӗ нихӑҫан та сӳнмӗ (Галина Еливанова)
• Акнӑ вӑрӑ путланман (Елена Трофимова)
• Паллӑ ҫыравҫӑ (Е. Арланова)